October

Në kooperativën October në Beograd, një qendër sociale antifashiste lgbtq në bodrumin e një pallati në Dorçol, Ilija dhe macja Sara mirëpresin ekipin që vjen në festën e parë të vitit, pas një pauze disa mujore për shkak të pandemisë. Nëpërmjet një koleksioni bisedash, rrëfimesh dhe skenash të qendrës sociale, në mes të verës, të ashtuquajturës “thatësirë” e vizitorëve, hapet një derë për në botën e kësaj komune të nëndheshme (në kuptimin e plotë të fjalës), marrëdhënien e ngushtë të autorit me ekipin dhe vetë vendin, si dhe të luftës për mbijetesë në mes të pandemisë.