117 Resounded

Dokumentari ant(rop)ologjik i Besim Sahatçiut rivizitohet me një kolonë zanore të kompozuar dhe performuar nga Ansambli Eksperimental i Lumbardhit, udhëhequr nga pianisti dhe kompozitori Ilir Bajri. I xhiruar në fshatin kosovar të Nivokazit, ai përshkruan stilin e jetesës tradicionale të një familjeje shqiptare që numëron 117 anëtarë, të gjithë që jetojnë nën një çati dhe në harmoni të madhe. I vlerësuar nga kritika si “portreti shpirtëror i kombit”, filmi shënoi një pikë kthese në kinemanë dokumentare kosovare duke prezantuar vlera të larta estetike të paparë më parë në historinë e filmit të Kosovës.