This is National Wake

This is National Wake gjurmon ngritjen e egër dhe rënien tragjike të pank bendit shumë-racor jugafrikan, të pagëzuar “bendi që kundërshtoi aparteidin”, anëtarët e të cilit rrezikuan gjithçka për ta shijuar lirinë. Ky film debutues, iu fut pamjeve të papara më parë të kundërkulturës anti-raciste të viteve 1970 që shumë pak veta e dinin se ekzistonte, shpalos një bend, muzika dhe memoaret e të cilit përmbajnë një meditim të thellë lidhur me atë se si jetohet historia përmes artit dhe në mendjet tona.
Më 1979, regjimi fashist i Afrikës së Jugut i mbajti të ndarë dhe të pabarabartë njerëzit me ngjyrë dhe ata të bardhë. Por tre të rinj – Ivan Kadey, një kitarist i ri nga ana hebreje e Johansburgut, dhe Gary e Panka Khoza, vëlla e motër me ngjyrë muzikantë nga Soweto – guxuan të nisnin Zgjimin Kombëtar. Në një vend dhe kohë kur ishte e jashtëligjshme që ata të luanin apo jetonin bashkë, bendi dhe adhuruesit e tyre ua kthyen luftën me muzikë, duke thyer çdo ligj për tu rebeluar – dhe e filmuan veten teksa e bënin atë, me guxim dhe largpamësi të jashtëzakonshme, në Super 8 e mahnitshme.