Children of the Mist

Children of the Mist ndjek historinë e Di-së, një vajzë 13 vjeçare Hmong, me ëndrrën për ti ikur fatit të shumë vajzave adoleshente të grupit të saj etnik. Di është me fat që i takon gjeneratës së parë të fëmijëve në fshat me mundësinë për të vazhduar mësimet në shkollën e mesme. Shumica e grave të fshatit, duke përfshirë të ëmën e Di-së nuk e kanë pasur këtë shans. Nëna e Di-së është 34 vjeçare, tashmë gjyshe, tërësisht analfabete, dhe flet shumë pak gjuhën vietnameze. Di e ka rastin ta shmang këtë fat duke e kaluar provimin pranues të shkollës së mesme për të vazhduar shkollimin. Por nëse bie, mund të ngujohet në fshat tërë jetën e saj ... “si bretkosa në pus.”