Bring Down The Walls

Bring Down The Walls vështron kompleksin industrial të burgut në SHBA përmes lenteve të muzikës haus dhe jetës së natës. Lidhja vjen nga vitet në të cilat Phil Collins punoi me burra të burgosur në Sing Sing, një burg i sigurisë së lartë në pjesën e sipërme të Nju Jorkut. Pasi iu refuzua qasja, Collins incizoi një përmbledhje të këngëve klasike haus me vokalistë që paraprakisht kishin qenë të burgosur, dhe ndërtoi një hapësirë komunale në zemër të gjykatës së qarkut të Manhattanit kushtuar luftës për drejtësi sociale dhe prishje të burgut.
Gjatë ditës, diskutimet bëheshin nga njerëz që janë ndikuar direkt nga sistemi i burgut. Natën, transformohej në një festë vallëzimi të udhëhequr nga Di Xhej, performues dhe kolektive nga skenat e klubeve më të njohura të Nju Jorkut. Duke kombinuar këto fije, Bring Down the Walls propozon pistën e vallëzimit si një hapësirë reale dhe metaforike të çlirimit personal dhe kolektiv, dhe mënyrave të reja të cilat mund ti bashkojmë si shoqëri.