LoveTrue

Dashuria të gjithë na kthen në aktorë, që ndryshojnë maskat vazhdimisht dhe vetëm e zbulojmë veten tonë të vërtetë për një moment, kur dashuria shpartallohet dhe ëndrrat e lumturisë së përjetshme shuhen. Alma Har'el ndjek tre histori të komplikuara dashurie, ku secila prej tyre nis si një premtim rozë, vetëm për të përfunduar në mënyrë dramatike. Në secilën prej tyre, një humnerë e madhe shfaqet ndërmjet ëndrrës dhe realitetit, një humnerë që Har'el e shfrytëzon për të drejtuar fantazitë e të ardhmeve të mundshme për protagonistët e saj. Në këtë film marramendës, protagonistët shkëmbejnë identitete dhe mësojnë se si edhe përvojat margjinale mund të formësojnë qëndrimet e tyre ndaj dashurisë.